Mittwoch, 10. Oktober 2007

Zug vs. Auto

I ha jo mis Hobby.. Inlineskate.. weder chli ufgfröscht. De fahri ame vo mim Wohnort bes of Aarau.. dasch e schöni Entspannig ond mer macht chli öpis för Körper und Geist. Hei goni amigs met em Zug.. aso eher es Bummelbähnli als öpis anders.. aber i be mers jo scho set ewige Ziiite gwöhnt... Die Strecki choschtet also ohni Halbtax 7.20. (Ich ha zwar es Halbtax... aber för mini Berächnige nemi iez mol de Priis ohni) woni weder dehei gsi be hets mi wonder gno was dass denn billiger wäri.. Auto oder Zug.

Min Chare schlückt of 100 km öppe 7 liter Benzin. Of Aarau hani vo mer us 17 km.. i ha s letscht mol für 1.65 pro liter tanket...man rechne...

7 geteilt duch 100 mal 17 = 1.19 liter

1.19 mal 1.65 = 1.9635 semmer ned kleinlich ond säge mer 2 Schtutz.

Okay iez müessti velech no ergendwelchi Reparaturchoschte of die 17 km omrächne.. ond de Ichaufspriis vo mim Auto... ond d Versicherig...ond d Straseverchersgebüre dasi öberhaupt dörf fahre of dene Strosse... da esch mer zu kompliziert...

Aber s Fazit esch... wasi ou emmer wörd dezue rächne.. i chämt nie und nimmer of 7.20!!!!

Wemmer die ganz Rächnig mit eme Mönsch wörd mache wo s GA het.. i weiss ned. evt wörd de billiger fahre mit de ÖV. Aber e Normalbürger wo es Auto het aber glich ab ond zue wett d Natur chli schone oder s halt mol chli gmüetlich nä.. sich ned of d Schtross konzentriere ond so...dä macht eifach zwöite...

Na ja velech cha mer jo i Zuekunft de mol s Auto of d WSB verlade... de esch immerhin mol de Umweltschutzaspekt erfüllt....

Usgang.... oder doch lieber ned?

Wenn ich ame mit ere bestimmte Kollegin fort gone.. werds ame zimmli lustig.. die Blogiträg müend jo fasch mit 18+ betitlet wärde. Zom Bischpil hämmer letschthin im A1 Manne gse mit Läderhose wie useme schlächte Porno der 70iger Jahre... (jo dasch ebe e anderi Gschecht.. det hämer ebe am morge am 4i mol chli Färnse gluegt gha ond wo nüt schlaus cho esch, hämmer e Dokumentation vo Pornofilm us de 70er Johr gluegt.... wö näbebi erwähnt ned soo schüch ond prüde gsi esch!!)

Ond mer händ usegfonde wenn e Maa schlächt im Bett esch mues mer ned grad bhaupte mer sig eigentlich Lesbisch.. es längt ou wemmer biläufig erwähnt: "hmm.. das chönnt mini Nochberi aber besser..."

...ond mer händ a dem obe Lüüt gse wo tanzet händ wie mer ehne e halbschtund vorher es Närvegift is Trinke inegschüttet hätt... schlimm so öpis...

Schauplatz Zofingen: E junge Maa chonnt of mi zue...

Er: Heissisch du Olivia?
Ich: Nei, worom?
Er: mini Schwöschter heisst drom Olivia. Ond du glichisch ere mega!
Ich: Okay.. nenei i heisse andersch...
Er: (luegt mi mega schräg a) Olivia besch es wörkli ned?

Fazit us dere Gschecht: s get Lüüt die erkenne im Suff ine ned mol me di eignige Gschwüschteti....!

De Peach Weber het is gfalle obwohl mer ne nor ghört ond ned gse händ. Die Turnhalle esch dermasse vollgschtopft gsi... so öpis hani sälte erläbt.
Lockstoff het is aso keini wörkleche Emotione entlockt... die meischte Mönsche om öis ome händ zu chli stärkere Getränk griffe zum di fählend Stimmig usgliche.

Apropos.. d Natur werd emmer dreister... z Zofige esch mis Auto doch tatsächlich vomene chline Bäumli agriffe worde. Wo ich of em Parkplatz us em Auto gschtege be ond de Ford so beguetachtet ha ebine schön parkiert heig luegt doch sones frächs Pflänzli onder em Auto före. Het das dreiste Ding doch tatsächlich det spontan Wurzle gschlage... es cha froh si hets mer ned d Stosstange verchratzet... ;o)

Wie die Katze beim mausen...

Ich ha soebe vo Tillate en Newsletter becho... ond da wo de nätti Herr do beschribt esch mer also ou scho ufgfalle! Nor beni nonig so motiviert gsi en Itrag dröber z schribe.... man lese selbst.

Ich stehe beim Elektronik-Discounter bei den Flachbildschirmen. Soll ich den "Acer P243W" auswählen oder den "Samsung SyncMaster 245B" nehmen? Beide etwa gleich teuer. Beide 24 Zoll Bilddiagonale. Hmm... Ich schaue mich hilfesuchend um. Vergeblich. Kein Verkäufer weit und breit. Ich gebe mir einen Ruck und entscheide mich für den Samsung. Ich packe mir eine verpackte Einheit des Monitors.

In diesem Moment steht er da. Ganz dicht neben mir. Der Verkäufer "A. Brindisi, Computerabteilung" steht auf seiner Brust. "Sie haben sich entschieden? Wunderbar. Darf ich ihnen das Gerät an die Kasse tragen?"

Besonders hilfsbereit? Nein. Besonders Geldgierig.

Ja: Frau Kosta (die Kassierin) wird Herr Brindisi's Personalnummer im Kassensystem erfassen. Herr Brindisi erhält nämlich 5% jedes Verkaufs als Provision on top zu seinem Fixlohn. Das sind Fr. 799*5% = Fr. 39.95. Eine Stange Zigis verdient, indem er meinen Monitor zur Kasse getragen hat. Mit dieser Provision will die Geschäftsleitung die Mitarbeiter motivieren, die Kunden besser zu beraten. Denn gut beratete Kunden werden mehr einkaufen. Und der Firma mehr Umsatz bringen.

Herr Brindisi ist die Kundenberatung egal. Hauptsache, er kriegt die Provision. Beratung vermeidet er. Kostet Zeit. Wie eine Katze beim Mausen schleicht er durch den Laden, beobachtet seine Opfer. Hat sich der Kunde zum Kauf entschieden und holt sich die Schachtel mit dem Handy, dem Bildschirms oder der Fotokamera, schnappt er zu: "Sie haben sich entschieden? Wunderbar. Darf ich ihnen das Gerät an die Kasse tragen?"