Freitag, 28. November 2008

Sveni :o)

.....i miss you!

...i love you!!

Öpis för d Fraue ;o)

Da esch de Chris :o) aber s Foti werd ehm also ned grächt :o)) in Natura esch er also amazing ;o)



nomol de Chris



Ond da esch de Jimmy min Roommate... also Ex-Roommate *sniff*



Miss you Sveni!!

Wieni mi Schatz ned scho gneug wörd vermisse.. nei, i loufe emmer weder a ergendwelchi Sache ufe wo mi a ihn erinnere.

Zom Bischpil das Plakat do imene Schaufenster...


Ond woni mit em Bus vo Bondi Beach nach Sydney City gfahre be hani plötzli das do gse....



De beni woni zum zwöite Mol dra verbie gfahre be spontan mol usgschtege.. zom es Foti mache ond de hani beschlosse i göi iez do ine go ässe. Esch meega fein gsi. Holzofepizza mit schwedischer Kebabsauce. Mmhh feini feini... Ha denn d Bedienig gfrogt eb das en Ladechetti sig.. de het si gseit neiei da sig s erschte ond bisher einzige Sven's i de ganze Welt :o)) Voll geil... ond ich be dranufeglofe bzw gfahre. Hihihi. Schicksal :o)



I vermisse natürli ou mini Kollege ond Kolleginne... dasch mer sehr bewusst worde woni das do gse ha :o))

Pfui!!

Be de geschter doch nömme veruse am Nomitag. Am Obe beni de aber is Tinbillys go ässe.. de hani eigentli welle hei.. be aber no schnäll bim Usgang of es Sofa ghocket wöl det d Musig ned so luut gsi esch. Ond de wer louft a mer verbie. D Corinne :o) Voll cool!! Per Zuefall esch si ou det häre cho. Mer händ denn es paar schöni Stunde det verbrocht.. ergendwenn beni denn hei.

Wo ich hei cho be esch grad de Franzos am Zäh putze gsi ond esch us de Tür use cho.. de ha ich grad chönne ine go.. plötzli chlöpfts a de Tür.. de Franzos tuet Tür uf.. ond de Schott gheit sozäge is Zimmer ine. Er het grad no chönne is Bett ine torkle... ond 30 sekunde spöter het er scho gschnarchlet. I ha de mini Oropax ine to ond de hani gschlofe. Zom erschte Mol set ich do be z Australie hani iez die Oropax brucht, sösch bruchi si ame nur dasi näb em Sven zue cha schlofe. Hihi. Neiei da stimmt ned... s got amigs knapp no ohni.

Wo beni schto blobe.. ah jo... am Morge woni verwachet be het de Schott sini Matratze mit em Ire sinere vertuuschet. I ha scho dänkt do mues doch öpis glofe si. De Franzos het mer denn verzellt wo er i de Nacht mol verwachet sig, sig de Schott of em Bode gläge ond heig dete gschlofe. Hmm i cha mer vorstelle was passiert gsi esch. Wäääh. Er het sichger is Bett kötzlet. Pfui!!

Guet es spilt gar kei Rolle, wöl i öisem Zimmer schmöckts eh wie imene Saustall. Ha aber emmer nonig chönne eroire wohär de Duft chonnt :o))

Höt Morge woni ufgstande be hani zersch mol e mega loschtigi Diskusion gfüert mit em Franzos. Er het mer bestätiget dass Franzose im allgemeine ned so suber sige, daher heig de Usdruck "französisch dusche" scho sini Berechtigung. Z Frankrich wärde i de Läde 3 mol meh Parfüm verchauft als Duschmittel, Shampoo, Zahbürsteli ond Zahpasta :o)) da hani voll ned gwösst.

Aber er sigis also ned wo stinki oder er gäbi sich emu Müeh, het er mer denn verrote :o))

Am Obe beni bi de Kollegin vo de Jeanette Häfeli vo Zetzbu zum Znacht iglade gsi. Si wohnt mit erem Fründ ond de beschte Kollegin inere WG. Esch soo lustig gsi. Mer händ vel glachet ond is sehr guet verstande. And i could improove my english ;o)

Jo ond iez goni go schlofe.. morn gots jo of neuseeland. Juhuu

PS: Wasi no vergässe ha esch.. woni am Nomitag hei cho be esch de Franzos am schlofe gsi.. das Foti folgt de no... *kopfschüttel*

Donnerstag, 27. November 2008

Mini französische Roommates...

... send aktiv gsi. Di eint het ghürotet ond di ander het es Chind becho...



Da esch D Alicia wo de Joel ghürote het :o)


Ond das esch d Ragnhild Kristiane mit erem Töchertli de Varin Lovise :o) süüüss!!!

No meh Nightlife

Be also geschter tatsächlich no veruse obwohli ned ha möge aber s het sich glohnt. Be zwar öppe 45 minute i de Schlange gstande vor em Down Under aber be de schussendlich doch no ine cho. D Corinne hani also zersch ned gfonde gha, deför beni vor 2 alte Schuelkollege vo Cairns gstande. Zersch det chli pläuderlet.. de wiiter d Corinne gsuecht... 2 mol esch si mer verschwonde bevori mi dor d Menge drückt gha ha. Ergendwenn während i mi dor veli Mönsche zwängt ha beni zwösche 2 Manne inne gstande.. die händ sich so komisch algluegt ond i ha scho gwösst dassi öppis vor händ.. aber halt ned was.... Si händ sich denn vor min Chopf zue zueprostet dass mer s Bier öber d Ärm ond in Usschnitt gsprützt esch. Denn esch s unglaublichschte passiert. De einti het sin Kopf gsenkt ond het mis Decoltee abgschläcket. Da het mi unglaublich sauer gmacht, ich ha ehn a de Hoor packt, vo mer wäg gstosse ond er esch a Trese ufegfloge. Er het mi mega schockiert agluegt.. er het gloub ned mit ere so energische Reaktion grächnet gha. Hallo was erwartet er, wenn er inere Frau fasch d Brüst abschleckt....sin Kolleg het übrigens nömme chönne vor Lache.

Be de froh gsi woni mit eme beherzte Griff d Corinne doch no verwütscht ha bevor si mer weder het chönne abhaue... *kreisch, umarm, freu, tanz* Sie het übrigens ou ned meh Glück gha mit erem Bier... okay mer cha immerhin säge si hets nur chli öberall of de Kleider verteilt gha ond es hets niemer probiert weg z lecken :o)) hahaha.

Fasch eri ganz Klass esch det gsi.. loschtigi Troppe...nachdem i d Frau Baumberger verlore ha ond niemer me kennt ha beni hei. Aber natürli ned ohni vorher no en Kebab Stand z sueche... ne nach endloser Suechi z finde.. ond mmhh en Dürüm z verschpiise Znacht am 2 :o)) hihihi.

So iez goni de mol go dStadt erkunde.. hoffentli fots ned weder a schiffe sobald i nur de Gedanke in Erwägig ziene veruse z go :o)

Okee man schribt sich.. Cheers..

Mittwoch, 26. November 2008

Disgusting Nightlife in Australia :P

Byron Bay esch cool gsi. Meistens het d Sonne gschonne, aber am Obe hets ame gstürmt wie blöd. De Surfunterricht esch emmer usbuechet gsi. Aber ha mer deför gratis es Bodyboard usglehnt im Hostel. Da esch ou mega cool gsi. S wär halt scho schöner gsi chli öber de Wälle z schto aber na ja emmerhin öpis. Am letschte Obe beni mit ere Horde Schwede ond Schwedinne i Usgang. d Location esch no lässig gsi aber nüt öberragends. Ha velech z wenig oder z vel Alk intus gha. I weiss es ned ;o)
Aber esch wörkli no e coole Obe gsi.

In Surfers Paradise hani zom erschte Mol en Mixed Room verwütscht ohni s z wüsse. I de erschte Nacht beni mit 3 Girls vo England im Zimmer gsi.. e de zwöite mit de Laura vo England ond em Jimmy vo Schwede i de dritte Nacht elei mit em Jimmy ond e de vierte Ncht het sich de Ron vo Irland zo öis gsellt. Mit 2 Jungs im Zimmer. Hui. Esch aber cool gsi es sind wörkli ruhigi Jungs gsi ond si händ emmer guet gschmöckt.. also si händ mis Herz scho nor dorom eroberet gha ;o)

Z Surfers semmer ou e Nacht im Usgang gsi.. esch aber ou ned soo de Hammer gsi ergendwie. Gloub ha ergendwie di falsch Nacht verwötscht gha. Jede Obe gönd si ene andere Club... esch komischi Musig gsi ond ned so wörkli Stimmig... aber loschtig eschs glich gsi.

Ah jo wasi chönnt us dene 2 Usgäng verzelle esch: Mer esch wörkli di verarschet wemmer ned solo esch :o) weder mol....

I de erschte Nacht hani de schönscht Schwed woni je gse ha kenneglernt... i ha denkt er intressiert sich eh ned för mich.. de hani jo gar keis Problem. Falsch gedacht er het di mindestens 10 andere Fraue ignoriert ond esch emmer schön brav i minere Nöchi blibe. Ergendwenn het er mer de generöserwiis anerbote ich dörfi i sim Zimmer schlofe.. het jo müesse cho... ich ha de nor gantwortet jo vom Zimmer 25 is Zimmer 21 sigs ned so wiit ich chön scho i mis Zimmer go schlofe.... de het er nüt me de gliche to.

I bi de no mit ehm hei glofe wöl er bestimmt nöm elei hie gfonde hät. Ich be jo scho froh gsi dasi de Heiweg no gfonde ha. Mer händ aber de no di halb Nacht öber alles mögliche diskutiert, sind i de nöchi vom Pool eifach e de wand vom Hostel ghocket ond händ plauderet. Em Chris sini Kollege händ sicher gmeinnt mer mache weiss ich ned was :o) Guet die Kollege send halbnackt im Pool go bade... die send beschäftiget gsi. Mer sind beidi recht alkoholisiert gsi aber er het mer also e chli schwedisch bibrocht. Mega cooli Nacht gsi. De Chris esch eine vo de nättishchte Manne woni je kenne glernt ha. Meega lieb!! :o)) Esch ou ned zuedringlich worde.. gar nüt. Trifft mer wörkli sälte.

Am andere Morge hämmer bim zmörgele chli gred, aber er esch ergendwie mega schüch gsi. Plötzli macht er so: "I hope you had a good Night.... i think i had... i think we both enjoyed it... i dont remember"

Sooo loschtig.. er het kei Ahnig me gha was i dere Nacht passiert gsi esch. Ich ha denn dänkt ich lonem die Spannig ond ha Byron Bay verloh ohni ehm z säge was wörkli passiert esch.. oder ebe was ned ;o)

Denn in Surfers hani jo 3 englischi Roommates gha. 2 devo sind ned solo gsi. Eines Morgens händ si mer verzellt was o so abgot wennt vergä besch. Si send i Usgang ond de send si vo es paar manne agmacht worde, händ nett abglehnt ond händ welle wiiter tanze. Ergendwenn send de emmer meh Jungs cho ond de sind die zwöi fraue völlig ikreist gsi.. es send öppe 6 manne om si ome gschtande ond händ si agstarrt ond send emmer nöcher cho. Ergendwenn händ die 2 denn d Flucht ergriffe ond sind hei. Do chasch wörkli ned mol in Frede go tanze ond de Usgang gnüsse!!! Heieiei...

Ich ha de ned witer dröber nochedänkt ond be am Obe ou i Usgang... s esch mer ongfär s gliche widerfahre. Mer send i Usgang glofe. Händ denn chli tanzet zo de Scheiss Musig ond ergendwenn esch es Mitternacht gsi ond s einte Girl het ere 21 . Geburi gfiiret. Plötzli fot si de Typ wo näbe ere ghocket esch wie wild a küsse.. s het usgse wie: Hmm de wo näb mer hocket esch männlich... de chönntinem doch spontan mol d Zunge i Hals stecke. De simmer go witer tanze. Fasch jedes Männli het es Wiibli gfonde zum schmutzig of de Tanzflächi ome knutsche. Denn plötzli schtot de schönscht Maa fo eusere Gruppe bi mer zue (wie chönnts ou andersch sii, emmer de schönscht intressiert sich für mich *fluch, stampf*) er het anschinend no keis Pendant gfonde gha... de hämmer zersch chli normal aschtändig tanzet.. denn esch er emmer nöcher cho.. i be emmer meh of Distanz. (I has also de ganz Obe gschafft ned z erwähne dasi ned Single be, da esch do z Australie s Todesurteil.. chasch der grad so guet en Looser-Chläber of d Stirne chläbe ond 4 Schtond ine Egge ine go schto.) Ergendwenn eschs ehm de z domm worde ond er esch devo glofe... 1.5 Minute spöter (i ha also of d Uhr gluegt gha!!) het er sini Zunge also imene willige Objekt inne gha. De hani dänkt ich sueche mer iez mol en Frau zum plaudere... keini ome (bzw frei) gsi. Hm i chönnt jo e Maa us öisere Groppe go sueche wo ou e Fröndin het.. USSICHTSLOS!!! De beni öppe mit 3 verschidene go rede.. jede het nur welle poppe... ergendwenn beni ane alte Schuelkoleg us Cairns ufeglofe... hät gschiter chli länger met ehm gred. Schlussendlich hani de mit em brävschte vo öisere Clique en Orangesaft trunke.. ond de beni hei.

Am nöchschte Morge esch mer bewusst worde dassi am beschte mit em Jimmy umeghanget wär. De esch nämmli mega brav gsi ond het mi ned betatscht oder was au immer. Tja im Nachhinein esch mer emmer gschiter.

So da esch iez gnueg vom "disgusting nightlife"

Am Sonntig beni chli am Strand gläge ond ha mi Teint chli ufbesseret.

Am Mäntig beni mit em Jimmy im Warner Brothers Movie World gsi. Sensationell!

Am Zischtig mit Jimmy ond Laura im Wet n Wild. En Wasserpark. Hervorragend!!

Ond iez beni scho z Brisbane ond sött äntli go dusche.. d corinne wartet sicher scho im Australian. Juhuuu...

Cheers ;o)

Montag, 17. November 2008

Föööteli :o)

Autos

Sydney

Canberra and War Memorial

Melbourne

Tjapukai

Schnorcheln

Tauchen

Bye Bye Imelda

Ausgang

Festival Cairns

Griechisch Essen

Reef Teach

Great Ocean Road

On the Road again

Kuranda 1

Kuranda 2

Tablelands

I has gmacht

Jo hello People... Tänele weder mol am blogge. Also zersch mol es esch also gar ned so schlimm do z Australie ;o) s get Lüt wo meine es gfalli mer ned ond i sig emmer chli am mötzle ond schimpfe. Nenei da esch ned so. Im grosse ond ganze gfauts mer sehr guet do.. wie mer hoffentli ou de Blogiträg a cha gse. Nor händ gwössni Schwizer gloub ned so vel Verständnis deför weni mi öber Chälti beklage :o)) Aber wie scho oft erwähnt, Chälti e de Schwiz esch ned s gliche wie Chälti do :o) Emene Land wo mer emmer Sonne erwartet ond wo eim wörkli alles verdorbe werd wenns afot schiffe. Aber ebe i be iez ruhig. Mol öpis muesi no erwähne bevori endgültig ufhöre mi z beklage ;o) i be am Bondi Beach.. es esch set 3 Täge bewölkt, chalt ond de Strand gset eifach hässlich us wenn d Sonne ned schint! Gar ned das wo mer sich erträumt vo Down Under *schimpf*

Iez aber zu öpis coolem. I has gmacht :o) I be tatsächlich es Konzert im Opera House go lose. Vo osse gset da Teil ned wörkli cool us. Aber vo inne... du grüne neune. Mega Atmosphäre! I be s Australian Chamber Orchestra go lose. Esch ned ganz mi Musigstil aber es het mer sehr sehr guet gfalle. Es esch eifach es riiese Erläbnis mol Champagner-trinkend näbe ufgstylte Ladies mitti 60gi z schto, alli send edel agleit gsi (ossert ich) esch eifach e tolli Stimmig gsi, ha mi sehr edel ond gebildet gfüelt :o) hihi.

Nochär hani grad nomol öpis cools gmacht, be nämli mit eme Jet Boat go fahre. 80 km/h ond de machsch so cooli 270° Drehungen, ond das 30 Minute lang. I dere Ziit wot di ned grad mues am Sitz festkralle chasch de Hafe vo Sydney wom Wasser us gnüsse ond aluege. Mues also säge vom Wasser us gset das opera House besser us als vom Land här. Ond d Skyline esch eh de hammer. I liebe Skylnes sowiso :o) Mer send ou no amene Schiff verbie fahre wo grad es Brautpaar drof traut worde esch. Be grad chli iversüchtig worde. I wott ou es Hochziit of eme Schiff mit de Skyline vo Sydney im Hintergrund!! *schmacht* Weisch wie schön! *hach*

Aber wenn emmer Jetboats verbie fahre ond der s Jawort fasch muesch ed Ohre schreie esch warschinli ou nöm soo loschtig ;o) hihi.

Iez hocki grad em Zimmer of em bequeme Bett vo de Kollegin ond studiere wasi no so wot astelle. Zum surfe eschs mer z chalt...scho weder ed City hmm... jo s werd mer scho was meh oder weniger sinnvolls i Sinn cho.

Ah of em Sydney Tower beni no gsi. Dasch weder mol geil gsi. 360° Ussicht, cools Feeling ond det hesch no OZ Trek, da esch so e Bahn wot chasch inehocke ond de bewegt sich de Sitz ond du hesch s Gfüel du flüügisch öber Australie. Toll gsi. Sodeli sösch weisi nüt me z schribe.. am Mittwoch gots witer nach Byron Bay..... i chome de Wärmi weder nöcher ;o) See you Guys...

Donnerstag, 13. November 2008

Sydney

Woni de unbeschadet de Bode beträtte ha, beni zersch mol mini Wösch go mache. Nach eme Orangesaft wo hätt sölle frösch presst si, so eschs ämu ofem Schild gstande, ond 2.- koschtet het ond mim Nutella Toast beni de chli i de Stadt omegwatschlet. Ha extra ned de Bus gno dasi chli was gsene vo de City. Jo es esch no es cools Stadtfeeling aber öberwältigend esch si also ned die Stadt. Sehr gstresst send die Lüüt ond es het massehaft devo of de Stross. Aber das verzellt jo jede. I ha es paar Kollege wo verzellt händ Sydney gfallene gar ned ond i has nie chönne verschto. Aber es stimmt Sydney esch wörkli nüt speziells.. so leid dass mer tuet :o) I be chli entüscht gsi vom Opera House wöl i hät ergendwie erwartet dasi dänke „Oh wow i schto wörkli näbem weltberüemte Operehuus vo Sydney“ mis Gfüel esch eher gsi: „Oh i schto jo näb em Opera House hmm chönt grad so guet z Zetzbu näb ne Tanne zue schto, wär öppe s gliche Feeling“
D Harbour Bridge hani nochli gföttelet. Ond sösch beni eifach chli dor d Stadt gschländeret.

Also was i no mues erwähne esch: I weiss iez worom dass z Cairns kei schöni Manne gha het!!! Si send alli do z Sydney. Tanja im Paradies. Läääck du mer... *sabber* Also mer tüend iez mol chli Kopfrechnen... Sydney het 4 Millione Iwohner.. devo send öppe d Hälfti Manne... da heisst 2 Millione. Öppe jede viert esch hübsch. Da heisst nach Adam Riese 500'000 schöni Manne för d Tanja. *riesen grins* I hoffe eifach die sige ned alli e de Stadt sondern ou nochli oben ohne am Bondi Beach :o))

Jo i weiss mini Hormon gönd chli met mer dore.. aber luege dörf mer jo :o) Vor allem die meischte sind in Schale onterwegs. Sexy schwarzi Stoffhose ond wenn si müend a de Ample warte de lehne si sech elegant dra häre ond dor d Bewegig gsesch de Waschbrättbuuch dor de dünni Stoff vom Hemd. *Tanja mit dem Fuss am Boden scharrt*

So ez esch aber fertig tröimt ;o) mues no was go ässe.. ond de mol luege wies witer got. Cu soon...

War Memorial

A mim letschte Tag z Canberra beni im War Memorial gsi. Da esch e riesigi Usstellig vo de verschidene Chriege us aller Welt. Also eigentli esch es jo kei Usstellig sondern es Memorial :o) Was mi erschtuunt het esch, dass meh Lüüt im erschte Weltkrieg als im zwöite gschtorbe send. Also Australier. Ond im Irak send nor 2 oder 3 gschtorbe... ergendwenn esch mer de bewusst worde dass jo im Irak eher Amerikaner oms Läbe cho send.. oder warschinli am meischte Irakis. I ha mol d Näme a einere Wand zählt ond de gluegt wie vel Wänd dass es send. Ond i be zum Schluss cho, dass im erschte Weltkrieg 33'300 Australier ond im zwöite Weltkrieg 21'900 Aussies gschtorbe send. Also i eusem Gschichtsunterricht aa hani emmer gmeint de erscht Wetkrieg sig nur so chli bitschi bätschi gsi. Wörkli krass sigs ersch nocher worde. Demfal ned. Do in Down under hesch wörkli i jedere Stadt ergendelchi Kriegsdenkmäler.. das z Cairns esch mol versprayt worde ond d Medie händ rächt krass reagiert. Chönnt mer sich e de Schwiz gar ned vorstelle, wöl sogar de Blick mues sich wenigstens e chli ad Anstandsregle halte. Ebe denn wo da passiert esch hämmer z Cairns chli diskutiert so onder de Kollege ond send zum Schluss cho, dass eus Schwizer eifach jegliche Bezug zum Krieg fehlt. Öisi Grossvätere oder Urgrossvätere händ zwar müesse ad Greze schto ond es esch ou ab ond zue mol us Versehe e Bombe i de Schwiz abe. Klar semmer voll i de Mitti gsi ond es hät ou no ganz andersch chönne usecho, mer wösse jo dass de Monsieur Hitler mit sinere einsame Hirnzelle vor gar nüt halt gmacht het. Hät guet chönne si, dass er de plötzli öisi Neutralität ignoriert hät, er het sich jo no nie a ergendwelchi Regle ghalte.... ond denn?? Aber wörkli Familiemitglieder verlore händ warschinli ned vel Schwizer. Mer chöne wörkli vo Glück rede.

Wo beni schto blobe :o) ah jo bim Memorial.. Det hani ou e Lichtshow gse.. esch sehr idrücklich gsi. Mer isch zwar gschtande aber es esch so ufbaut gsi dass mer sich gfüelt het wie mer wörd imene Kampfjet hocke ond mer denn e Bombe öber Dütschland wörd abelo.. So voll mit Liecht ond Sound.. esch also fasch beängstigend gsi. S het ou no en Teil wot wörkli chli chasch usprobiere ond öpis mache. Esch gloub eher för d Chind... aber ned nome. Z. B. muesch us Schuumstoff e Brugg baue dass Red Cross Konvoi chöne dröber fahre ond go hälfe. Oder chasch ine Aussi Helikopter ine hocke ond muesch luege dass d Viet Kong ned chöme.. went der sicher besch chasch di amene Seil us em Heli abseile. Sehr amüsant. Vor allem di ältere Herre hand sehr sehr fröid dra gha. Ha sogar müesse of nes Foti mit eim :o) Oder hesch chönne ine Höhli im Berg im erschte Weltkrieg ond de hesch chönne din Fuess ines Loch ine ha ond de hesch gse was mit dim Fuess wörd passiere wennt lang det inne müestisch läbe.. er wörd nämmli halb verfuule.

Ou sehr vel Kampfjets ond Militärhelis händs det. I ha eine aglängt.. kicher.. de esch de Alarm los. Aber i be de ganz unschuldig det gschtande.. s het mi niemer verdächtigt. Hehehe. Bravo, guet tarnet Tanja!!

Esch sehr idrücklich gsi. I be aber wörkli froh dasi ersch 1983 of d Wält cho be wo de ganz Spuck verbie gsi esch. Öbrigens d Australier händ en VJ oder VP Day (Victory over Japan) oder (Victory in Pacific) weiss gar ned wie das be eus z Europa heisst. Warschinli „Tag des Ende des zweiten Weltkriegs“... es mues jo emmer öpis huere langs si ;o)

Nochhär am Obe beni i Greyhoundbus gschtege ond nach Sydney düset. Ha no mit 2 schöne Manne telefoniert de esch d Ziit ou mega schnäll verbie. Nach afängliche Schwirigkeite hani de sogar gwösst mit wem dasi iez grad telefoniere.

Ich: Heey grüezi Herr Hägler.. so wa machsch?
Er: (schweigen) Hoi Schatzi....
Ich: *lach* Hoi Sven *lach*

Wie scho erwähnt i ha de doch no gmerkt mit wem ich rede :o))) hehehe. Wenn öper mit eme schwizer Natel alütet chonnt be mer nur "Unbekannt ruft an" de chani jo ned wösse wers esch. De werd mer halt mit dem Name begrüesst wo ich am ehnschte erwarte :o)

I ha dänkt gha mer sige am 10ni z Sydney, mer send aber scho am 9i det gsi. I be zwar froh gsi aber halt glich chli verwirrt, ha mega schnäll mini Sache packt, be us em Bus ghüpft, näbe mine Koffere gschtande.. ond de hani dänkt“ Ääh wie gots iez witer? Ah jo mis Hostel sötti dänk mol go sueche“ So loschtig be voll näb de Schue gschtande wöli sozäge e Schtond z früe det gsi be oder ämu e Schtond früener als erwartet. Mer sött halt ame de Fahrplan gnau läse ;o)

Ha also das YHA scho inspiziert. 8 Stockwerk hets. Im oberschte esch e Pool ond e Dachterrasse... i 3 verschidene Stöck hets je e Laundry. Weder mol alles mögliche chasch ha do. Sogar es Kino hets :o)

I be de of mis Zimmer.. de esch keis Bett frei gsi, beni ad Reception go reklamiere, er macht so jo es müesi eis frei si... de letschti Gast heig sichger nur vergässe d Lintüecher weg z nä. Hallo? Ond d Zimmermeitli luege do ned? Okee. Iez müessti nor no wösse weles. I drü Bett vo 6 send Lüüt gläge..guet blibe nor no 3 vörig.. ha de chli omegfrogt, schlossändli hani de mol s warschinlichschte bezoge :o)

De hani gmerkt dass mer de Halbschue vo de Reception (i gloub er esch schwul, guet da het jo nüt zur Sach) nur Lintüecher gä het ond kei Küssibezug..nomol go reklamiere. Er het mer de eine gä. Nacher hani gmerkt dassi die gar ned gänd normalerwiis wöl die Frau hinter mir het au nur Lintüecher becho. Da heisst dass s Zimmermeitli die wechslet oder si gar ned gwechslet werde. Guet beni mer sälber eine go hole :o) hehehe.

Mis Bett quietscht! Fürchterlich! Ond onter mir schloft e riese Chaotin. Eri Sache legge verstreut im Omchreis vomene Meter on eres (öises) Bett ome. Si esch i de Nacht öppe am 3 sturzbetrunke hei cho.

Am Morge woni ufgschtande be esch onter mim Leiterli (i schlofe jo ebe obe) es leers Spritefläschli, Ohrering, Hoorbürste, Make-Up, Kleider, Schue...ect gläge. I ha mi grad no chönne am Betgschtell festhebe ond mi wie anere Liane zomene Plätzli schwinge woni nüt onder de Füess gha ha. Ond das am Morge früeh! Sie esch aber mega lieb. E völligi Plaudertäsche.. ha si am Nomitag kenneglernt wo si weder uferschtande gsi esch :o) Si schämt sich mega dass si jedi Nacht i Usgang got ond sternhagelvoll hei chonnt.......... hmm wie wärs mit ufhöre.