Donnerstag, 27. November 2008

No meh Nightlife

Be also geschter tatsächlich no veruse obwohli ned ha möge aber s het sich glohnt. Be zwar öppe 45 minute i de Schlange gstande vor em Down Under aber be de schussendlich doch no ine cho. D Corinne hani also zersch ned gfonde gha, deför beni vor 2 alte Schuelkollege vo Cairns gstande. Zersch det chli pläuderlet.. de wiiter d Corinne gsuecht... 2 mol esch si mer verschwonde bevori mi dor d Menge drückt gha ha. Ergendwenn während i mi dor veli Mönsche zwängt ha beni zwösche 2 Manne inne gstande.. die händ sich so komisch algluegt ond i ha scho gwösst dassi öppis vor händ.. aber halt ned was.... Si händ sich denn vor min Chopf zue zueprostet dass mer s Bier öber d Ärm ond in Usschnitt gsprützt esch. Denn esch s unglaublichschte passiert. De einti het sin Kopf gsenkt ond het mis Decoltee abgschläcket. Da het mi unglaublich sauer gmacht, ich ha ehn a de Hoor packt, vo mer wäg gstosse ond er esch a Trese ufegfloge. Er het mi mega schockiert agluegt.. er het gloub ned mit ere so energische Reaktion grächnet gha. Hallo was erwartet er, wenn er inere Frau fasch d Brüst abschleckt....sin Kolleg het übrigens nömme chönne vor Lache.

Be de froh gsi woni mit eme beherzte Griff d Corinne doch no verwütscht ha bevor si mer weder het chönne abhaue... *kreisch, umarm, freu, tanz* Sie het übrigens ou ned meh Glück gha mit erem Bier... okay mer cha immerhin säge si hets nur chli öberall of de Kleider verteilt gha ond es hets niemer probiert weg z lecken :o)) hahaha.

Fasch eri ganz Klass esch det gsi.. loschtigi Troppe...nachdem i d Frau Baumberger verlore ha ond niemer me kennt ha beni hei. Aber natürli ned ohni vorher no en Kebab Stand z sueche... ne nach endloser Suechi z finde.. ond mmhh en Dürüm z verschpiise Znacht am 2 :o)) hihihi.

So iez goni de mol go dStadt erkunde.. hoffentli fots ned weder a schiffe sobald i nur de Gedanke in Erwägig ziene veruse z go :o)

Okee man schribt sich.. Cheers..

4 Kommentare:

Anonym hat gesagt…

Hehe
Das hett ich aber sehr gern gsee. Häsch guet gmacht min rabiate Schatz. Dä wird i nächschter Zit sini Zunge in Zaun halte und nur no Lollis schlecke.
Ich frog mich jetzte aber, öb das au mit Saft/Moscht got, denn Bier find ich zum k_tz_n. ;-)

tänele hat gesagt…

hihi i gloube das got mit allem moegliche.....

corinne hat gesagt…

es duet mer leiiid!! het aber au aandersch vell lüt gha e dem sponte..
hami emel wörkli mega gfroit. ond am donnschtig esch jo auno voll loschtig gsi, eifach hockt tänele det so eleige ond verlore ufem sofa :D hihi... wönsch der gaanz vell spass in NZ!!!!! xoxo

tänele hat gesagt…

danke danke. heb d ohre stiiff! mer gset sech deheim weder. sii juu
*sorry love* hahaha