Adelaide 2

Hallo be scho weder do. Be grad of Facebook de Groppe "Rettet öisi Mondartschproch" biträtte, dorom esch de nöchscht Itrag of Schwizerdütsch :o)

Mer händs aso ned gschafft i die Schoggifabrik z go. D Beth esch no em Konschtmuseum gsi ond de het si im Internet müesse eres nöchschte Backpacker bueche.. de hämmers ned gschafft. I be deför ine Schoggilade ond ha chli pöschtelet. Has aber ned öbertrebe, wott mi schliessli ned vom Marc hondert mol om öise VW Bus lo omejage nor wöli chli zuegno ha ;o)

Mhh be grad chli am Schoggi ässe.. eses aber wie scho erwähnt mit Vernunft. Erstens us obe genannte Gründ :o) ond zwöitens wöl 200g $7.80 koschtet händ :o)

Be de chli dor d Stadt glofe, do z Adelaide händs emfau vel schöneri Schueluniforme als z Cairns. I ha aber ou ehner älteri Schüeler gse, velech liets do dra. Guet, es paari händ mega hässlichi Röck agha, aber die meischte send sehr schön agleit gsi. Vor allem d Jungs händ alli schwarzi Stoffhose aa schwarzi Läderschue ond ergend es Hömmli. Sehr höbsch :o)

Adelaide esch wörkli e schöni Stadt. I ha emmer s Gfüel gha i loufi z London ome, ha aber ned gwösst worom, wemmer nämli gnau omeluegt hets ned vel mit London gemeinsam. Aber iez weisi immerhin worom dasi da Gfüel gha ha. Die Stadt esch tatsächlich rächt Englisch aghuucht, hami ämu im Reisefüerer gläse. Also het mi mis Gfüel doch ned ganz trüegt :o)

Em Momänt hocki grad i de State Libary. Anschinend hesch i allne Bibliotheke z Australie gratis Internet. Da hani ned gwösst gha! Sösch wäri z Cairns ou mol die cheibe Libary go sueche.. det wär s Internet velech chli schnäuer gsi!

Morn gots scho weder witer Rechtig Melbourne. I ha zersch weue mit em Greyhound of melbourne ond denn det e Tages oder 2-Tagestour of de Great Ocean Road mache. Ha mi aber chorzerhand omentschlosse ond mache iez 3 Täg Great Ocean Road vo Adelaide nach Melbourne. Chonnt mi zwar ganz wenig tüürer aber erschtens esch es secher vel Intressanter wöli a verschedene Orte schlofe ond zwöitens hani de Transfer vo Adelaide of Melbourne grad imbegriffe. Fröie mi mega. Morn am 7ni gots los. Juhui...

I mälde mi sobald i cha weder.. bes denn. sii juu :o)